No isco cale sant’ap’a pregare
pro chi cambien a s’omine sa mente,
su ch’est sutzednd’a su presente
est cosa de non poder olvidare,
sos poberos si cheren rivoltare
a custa miseria permanente,

e croppini cun sa mortale impresa
a su coro s’istad’e sa ricchesa.

Cherz’a tottu su munn’augurare
una paghe cantu durat sa terra,
sentz’odios, vendettas e ne gherra,
ma una vida noa comintzare,
sentza poberos a limosinare
e tottus tenzan de pan’una perra,
vivat su munnu cun prosperidade
in paghe, in amor’e umiltade.