Su disumanu a trampas e congiuras
a comintzare in su clero de sos preides,
manovras de sos ricos e usuras
mentre in su sonnu faghe chi t’ischides.

Cun fortza dae balentes oltraggios e furas
affrontana sas faidas e isfidas,
sas begas de sas sogras cun sas nuras,
pone suspettu, allargu e non ti fides.

Battidores de pettu in su cunfessu,
donzi unu a gustu sou la regirat,
s’iscopu ’e bramosia a s’interessu.

Cun su fintu pregare t’impappinat
in nomen de Deus avvoltos sos imboddios
ti ’ides sos possessos dae metad’istoddios.