Su manzanu appena mi ndi pesu
su pensamentu a tie appu in coro,
ca seu sunfrende po ti tenne’ attesu.
Puru surdu ti faghes Nuoro,
de medas annos vivo in turmentu,
non tenzo ne cultura e ne talentu.

Asculta custa mia preghiera,
mira ca seu naschida in die mala,
custa storia mia est propriu vera,
de tie Sardigna seu ismentigada,
si pro custu ti devo perdonare
cando m’as obbligadu a emigrare.

In coro meu t’appo cunservadu,
speru chi ndi sia ancora digna
e non mi apas tue cancelladu
de essere una fiza de Sardigna.
Perdona custu scrittu imperfettu,
ti lasso un istima e cun affettu.